दगड म्हणजे देव

शाळेत बाई म्हणाल्या, “आपल्या आवडत्या विषयावर निबंध लिहा. एका मुलाने निबंध लिहिला…

विषय :-
‘दगड’
‘दगड’ म्हणजे ‘देव’ असतो. कारण तो आपल्या आजूबाजूला सगळीकडे असतो. पाहीलं तर दिसतो.
अनोळख्या गल्लीत तो कुत्र्यापासून आपल्याला वाचवतो.
हायवे वर गाव केव्हा लागणार आहे ते दाखवतो.
घराभोवती कुंपण बनून रक्षण करतो.
स्वैयंपाक घरात आईला वाटण करून देतो.
मुलांना झाडावरच्या कैऱ्या, चिंचा पाडून देतो.
कधीतरी आपल्याच डोक्यावर बसून भळाभळा रक्त काढतो आणि आपल्या शत्रूची जाणीव करून देतो.
माथेफिरू तरुणांच्या हाती लागला तर, काचा फोडून त्याचा राग शांत करतो.
रस्त्यावरच्या मजुराचं पोट सांभाळण्यासाठी स्वत:ला फोडुन घेतो.
शिल्पकाराच्या मनातलं सौंदर्य साकार करण्यासाठी छिन्निचे घाव सहन करतो.
शेतकऱ्याला झाडाखाली क्षणभर विसावा देतो.
बालपणी तर स्टंप, ठिकऱ्या, लगोरी अशी अनेक रूपं घेऊन आपल्याशी खेळतो.
सतत आपल्या मदतीला धावून येतो, “देवा’सारखा.
मला सांगा, ” ‘देव’ सोडून कोणी करेल का आपल्यासाठी एवढं ??”
बाई म्हणतात, “तू ‘दगड’ आहेस . तुला गणित येत नाही. आई म्हणते, “काही हरकत नाही, तू माझा लाडका ‘दगड’ आहेस. देवाला तरी कुठे गणित येतं? नाहीतर त्याने फायदा-तोटा बघितला असता. तो व्यापारी झाला असता.”
आई म्हणते , “दगडाला शेंदुर फासून त्यात भाव ठेवला की, त्याचा ‘देव’ होतो.”
म्हणजे, ‘दगड’च ‘देव’ असतो.

भारतात कधी शिक्षणाचा कुंभमेळा भरेल का?

भारतामध्ये कुंभमेळा खूप वर्षांपासून होत आहे. इतिहास सांगतो गेले 850 वर्षांपासून तर पौराणिक कथानुसार समुद्र मंथनापासून. देव आणि दानव यांच्यात समुद्र मंथन झाले त्यातुन अमृत निघाले. कलशा मधील अमृत कोण पेईल यावरुन देव आणि दानव यांच्यात बारा दिवस युध्द झाले. त्यायुध्दात, काही थेंब हे पृथ्वीवर पडले. अमृत जेथे पडले ती जागा म्हणजे, हरिद्वार, उज्जेन, प्रयाग आणि नाशिक येथील गंगा,गोदावरी नदी.

पृथ्वीवर दर तीन वर्षांनी आणि एका ठिकाणी दर बारा वर्षांनी कुंभमेळ्याची संधी येते. या कुंभमेळ्याला देशभरातील साधु मंहत येतात व धर्मावर विचारांवर मंथन करतात अशी मान्यता आहे. तर भाविक भक्तजण गंगेमध्ये स्नान करतात. माणसांनी काही पाप केले असेल तर गंगेमध्ये आंघोेळ केली तर आपले पाप हे धुतले जाते अशी सर्वसामांन्यांची समजुत सुध्दा आहे.

सध्याचा कुंभमेळा जो चालु आहे तो जर उघड्या डोळ्यांनी पाहिला तर कुंभमेळा हा एक इंव्हेट झाला आहे असे वाटते. कुठेही विचारांची मैफिल दिसत नसून मानअपमानांचे नाटक दिसते. कुंभमेळ्यामधुन एकच विचार जास्त ताकदीने भाबड्या जनतेमध्ये जातो तो म्हणजे 12 वर्षे पापं करा आणि एकदा गंगेमध्ये आंघोळ करा, साधुमहंतांना दान दक्षणा करा म्हणजे आपले पाप धुतले जाते आणि हे पाप धुण्यासाठी सरकारच्या तिजोरीतून 2,378 कोटी रुपये एका कुंभमेळ्यासाठी उधळुन लावले जाते. अशा पध्दतीने विचार जात असेल तर भारतात कधीही भ्रष्टाचार थांबणार नाही, कारण अपराधीपणाची भावना घालविण्यासाठी धर्मामध्ये ही एक उत्तम सोय आहे.

असो, बदलत्या कुंभमेळ्याच्या स्वरुपावरुन पूर्वीच्या काळी जो खरा कुंभमेळा, जो विचारांच्या देवाण-घेवाणांसाठी चालायचा तो लुप्त होत चालला आहे. हिंदु धर्माचे एक वैशिष्टे आहे, तो बदलत्या काळानुसार स्वत:मध्ये बदल करतो. जसे सती प्रथा असो का स्त्री शिक्षण इत्यादी. मग आपण कुंभमेळ्याला नवीन काळानुसार बदल नाही का करु शकत?
Continue reading

Marathi Kavita – Ek Naate

एक नात…
कितीही ठरवलं तरी,
तुझ्यावर रूसून राहता येत नाही.
उघड्या डोळ्यांनी तुला टाळलं तरी,
मिटल्यावर त्यांना तुझ्याशिवाय पर्यायच उरत नाही…

सगळं तुला देऊन पुन्हा,
माझी ओंजळ भरलेली.
पाहिलं तर तू तुझी ओंजळ,
माझ्याच ओंजळीत धरलेली…

डोळ्यातून अश्रू ओघळला,
की तोही आपला राहत नाही.
वाईट याचंच वाटतं की,
दुःख त्याच्या सोबत वाहत नाही…

आपण ज्याला आवडतो,
त्याच आपण होऊऩ जाव.
नाहितर आपल्या आवड़ीसाठी,
आपण उगाचच आयुष्य दवडतो…

काट्यात अडकलेला पदर,
अलगद सोडवून घेता येतो.
तुझ्यात गुंतलेलं मन मात्र,
सोडवता सोडवता गुंता होतो…

मलाच माहीत नसलेलं एक दुःख,
माझ्या मनात साठून आहे.
बरेचदा मी विचार करतो,
नक्की याचा ओघ कुठून आहे…

एक वेड फुलपाखरु,
एका फुलावरुन दुसऱ्या फुलावर उडायच.
थोडासा गोडवा सोधण्याच्या नादात,
वेड जगभर फिरायच…

ते आणि मी…

प्रथम ते गांधींसाठी आले.
त्यांचा खून केला.
मी शांत राहिलो.
कारण मी काही गांधीवादी नव्हतो.

नंतर ते डॉक्टर दत्ता सामंत यांच्यासाठी आले.
त्यांचा खून केला.
मी शांत राहिलो.
कारण मी काही कामगार नव्हतो.

नंतर ते डॉक्टर दाभोलकर यांच्यासाठी आले.
त्यांचा खून केला.
मी शांत राहिलो.
कारण मी काही अनिस कार्यकर्ता नव्हतो.

काल ते कॉम्रेड पानसरे यांच्यासाठीआले.
त्यांच्यावर हल्ला केला.
मी शांत राहिलो.
कारण मी काही कम्युनिस्ट नव्हतो.

उद्या ते माझ्यासाठी येतील.
माझ्यावर हल्ला करतील.
मी मदतीसाठी सभोवार पाहीन.
सगळे शांत राहतील.

कारण …..?

Indian mentality screwed… Best one…

शादी हुई …

दोनों बहुत खुश थे!
स्टेज पर फोटो सेशन शुरू हुआ!
दूल्हे ने अपने दोस्तों का परिचय साथ खड़ी अपनी साली से करवाया
” ये है मेरी साली , आधी घरवाली ”
दोस्त ठहाका मारकर हंस दिए !

दुल्हन मुस्कुराई और अपने देवर का परिचय अपनी सहेलियो से करवाया
” ये हैं मेरे देवर ..आधे पति परमेश्वर ”
ये क्या हुआ ….?
अविश्वसनीय …अकल्पनीय!

Continue reading

Page 1 of 57123456...Last »